Միացյալ Նահանգները դարձել է աշխարհի չեմպիոն այլ երկրներում սանձազերծված և ինքնիշխանությունները ոտնահարված պատերազմների քանակով։ Այս մասին «Российская газета»-ին տված հարցազրույցում հայտարարել է ՌԴ Անվտանգության խորհրդի քարտուղար Նիկոլայ Պատրուշևը։
«Տեղին ու անտեղի Ժողովրդավարական կարգախոսներ հռչակելով՝ իրականում Վաշինգտոնը վաղուց արդեն չեմպիոն է դարձել պետությունների ինքնիշխանության խախտման, սանձազերծված պատերազմների ու հակամարտությունների թվի, այլ երկրների քաղաքացիների նկատմամբ կոպիտ ու անօրինական որսի առումով»,-ասել է նա:
Պատրուշևը նաև ուշադրություն հրավիրեց այն փաստի վրա, որ ԱՄՆ-ում կորպորացիաները ձևավորում են արտաքին քաղաքականություն, ձգտում են պահպանել միջազգային գերիշխանությունը, լարվածության օջախներ ստեղծել ամբողջ աշխարհում՝ տարբեր պայմանագրերով իրենց միլիարդավոր եկամուտների համար, որոնց երևակայական թափանցիկությունը իրենք են վերահսկում:
«Եթե ԱՄՆ-ն իսկապես որոշի գնալ դեպի ժողովրդավարություն և դադարել նվաստացնել իր դաշնակից վասալներին, մենք դա միայն կողջունենք»,- եզրափակել է նա։