Հայաստանի բանկերի միությունը հայտարարություն է տարածել՝ հորդորելով զերծ մնալ բանկային համակարգի գործունեությունն անհիմն շահարկելուց և չհիմնավորված գնահատականներ տալուց։ Հայտարարության մեջ, մասնավորապես, ասված է․
Արտաքին գործոնների ազդեցությունից չէր կարող անմասն մնալ նաև ՀՀ բանկային համակարգը։ Ստեղծված իրավիճակում առաջացած ֆինանսական ռիսկերը զսպելու և արդյունավետ կառավարելու, համակարգի բնականոն և անխափան գործունեությունն ապահովելու, ինչպես նաև հաճախորդներին պատշաճ սպասարկելու նպատակով՝ ՀՀ բանկային համակարգի կողմից ձեռնարկված միջոցներն ու տարվող քաղաքականությունը հիմնավոր է, համարժեք և արդյունավետ:
Ստեղծված իրողությամբ պայմանավորված առևտրային բանկերի կողմից մատուցվող մի շարք ծառայությունների մասով կատարվեցին սակագների փոփոխություններ, ինչը հանդիսացավ իրավիճակին ոչ լավատեղյակ և ոչ կոմպետենտ անձանց կողմից չհիմնավորված հայտարարություններ և գնահատականներ հնչեցնելու պատճառ:
Այս կապակցությամբ հորդորում ենք զերծ մնալ բանկային համակարգի գործունեությունն անհիմն շահարկելուց, չհիմնավորված գնահատականներ տալուց և հանրությանը ապակողմնորոշելուց»: