Ռուս-ուկրաինական զարգացումների մեկնարկից ի վեր Հայաստանի տնտեսության շուրջ առկա անորոշություններն ու խնդիրները բազմապատկվել են: Նման գնահատակը, գուցե, շատերին տարօրինակ թվա, ականջին ոչ այնքան հաճելի, սակայն դրանից փաստը չի փոխվում:
Այո, 2022թ.-ի փետրվարին՝ այսինքն ռազմական գործողությունների մեկնարկի դրությամբ առկա կանխատեսումները մեր տնտեսության հետ կապված վիճակագրությամբ և թվերով սխալական դուրս եկան, բայց տնտեսության իրական հատվածում արտաքին գործոնների ազդեցությամբ ձևավորված աճերը, որոշ ուղղություններում արձանագրված դրական պատկերը, ցավոք, ոչ միայն չեն մեղմել անկայունության հետ կապված մտահոգություններն, այլև՝ կանգնեցրել են նոր մարտահրավերների առաջ:
Հարցն ունի, սակայն, այլ հարթություն ևս. պատժամիջոցները ՌԴ-ի նկատմամբ և ածանցյալ պատժամիջոցների ներքո հայտնվելու ռիսկը: