Արցախի պատմությանն առնչվող հնատիպ գրքերն ու հազվագյուտ վավերագրերը Մատենադարանում են
Արցախի պատմությանն առնչվող հազվագյուտ վավերագրերն ու հնատիպ գրքերը տեղափոխվել են Երևանի Մեսրոպ Մաշտոցի անվան Մատենադարան։ Այս մասին հայտնում են Մատենադարանի մամուլի ծառայությունից։
«44-օրյա պատերազմի ժամանակ Մատենադարան-Գանձասար գիտամշակութային կենտրոնում ցուցադրվող ձեռագրերի կրկնօրինակները, Արցախի պատմությանն առնչվող հազվագյուտ վավերագրերն ու հնատիպ գրքերը տեղափոխվել են մաշտոցյան Մատենադարան»,– ասված է հաղորդագրությունում։
Նշվում է, որ պատերազմից հետո կրկնօրինակների մի մասը կրկին վերադարձվել է Գանձասար, այժմ այնտեղ գտնվում են միայն ձեռագրերի կրկնօրինակները։ Բոլոր բնօրինակները մաշտոցյան Մատենադարանի պահոցում են։