Խոսքի ազատությունը իրավունք չի տալիս վիրավորել մուսուլմանների կրոնական զգացումները: Այս մասին ասել է Թուրքիայի վարչապետ Ահմեդ Դավութօղլուն՝ մեկնաբանելով ֆրանսիական Charlie Hebdo պարբերականի նոր համարում Մուհամեդ մարգարեի հերթական ծաղրանկարները, հաղորդում է ТАСС լրատվական գործակալությունը:
«Նման ծաղրանկարների տպագրումը կոպիտ սադրանք է: Խոսքի ազատությունը չի նշանակում վիրավորելու ազատություն», - նշել է Դավութօղլուն և հավելել՝ «մենք չենք կարող թույլ տալ վիրավորել մարգարեին»: