«Իսլամական պետություն» (ԻՊ) կազմակերպության նախկին անդամը, ով ահաբեկչական կազմակերպությունից թաքնվելու նպատակով ներկայումս կրում է Շերկո Օմեր կեղծանունը, «Newsweek»-ին հայտնել է, որ ահաբեկչական կազմակերպության կազմում իր անդամ լինելու ամբողջ ընթացքում Թուրքիայի կառավարությունը շարունակ աջակցել է ԻՊ-ի զորքերին:
«ԻՊ-ի հրամանատարները մեզ խորհուրդ էին տալիս չվախենալ Թուրքիայի սահմանը հատելուց, քանի որ լիարժեք համագործակցում էին Թուրքիայի հետ: Սա այն հիմնական ճանապարհն էր, որով ԻՊ-ի զորքերը կարողանում էին Հալեպից և Ռաքքայից անցնել Սիրիայի հյուսիս-արևելքում գտնվող քրդական տարածքներ: ԻՊ-ի զորքերի համար դա անհնար էր անել Սիրիայով, քանի որ Սիրիայի քրդական ազգային բանակը վերահսկում էր քրդական բոլոր տարածքները» ,- նշել է Շերկո Օմերը: