Մինսկում դեռևս շարունակվում է «նորմանդական քառյակի» առաջնորդներ Վ. Պուտինի, Ա. Մերկելի, Ֆ. Օլանդի և Պ. Պորոշենկոյի հանդիպումը դռնփակ ռեժիմով: Պատվիրակությունների հանդիպմանն ընդլայնված կազմով հետևել է չորս երկրների ղեկավարների առանձնազրույցը: Մինչև այդ կոնտակտային խմբի ներկայացուցիչները քառյակին են ներկայացրել բանակցությունների ավարտին ընդունվելիք փաստաթղթերի նախագծերը:
ՌԴ նախագահի օգնական Յուրի Ուշկովը, «Ինտերֆաքսի» փոխանցմամբ, հայտնել է, որ չափազանց լարված բանակցություններ են ընթանում: Ավելի վաղ Պետդումայի միջազգային հարաբերությւոնների հանձնաժողովի նախագահ Ալեքսեյ Պուշկովը հայտարարել էր, որ Մինսկի բանակցությունների արդյունքում պետք է ընդունվի փաստաթուղթ` ուղղված Ուկրաինայի արևելքում ռազմական գործողությունների անհապաղ դադարեցմանը: «Կարծում եմ` կընդունվի լուրջ փաստաթուղթ` ուղղված նրան, որ մարտնչող կողմերն ի վիճակի չլինեն վերսկսել ռազմական գործողությունները: Ծանրակշիռ այնպիսի երկրներ, ինչպիսին են Ռուսաստանը, Գերմանիան և Ֆրանսիան, ունեն հնարավորություն պատերազմող կողմերին այնպիսի հեռավորության վրա պահելու, որը հնարավորություն չի տա միմյանց վրա կրակել, և հարթելու այնպիսի մեխանիզմներ, որը հրադադարը կդարձնի ոչ թե ձևական, այլ` իրական,-նշել էր Պուշկովը:
Միաժամանակ Ուկրաինայի նախագահի վարչակազմի ներկայացուցիչ Վալերի Չալին հայտնել է, որ բանակցող կողմերին մնացել է համաձայնեցնել ևս երկու փաստաթուղթ: Ավելի վաղ, Լավրովը նշել էր, թե բանակցությունները «բավականին արդյունավետ են ընթանում»: