Ուկրաինայի նախագահ՝ Պյորտ Պորոշենկոն հեռախոսազրույց է ունեցել ԱՄՆ փոխնախագահ՝ Ջո Բայդենի հետ, որի ժամանակ Ուկրաինայի նախագահը շեշտել է անհապաղ քայլեր ձեռնարկելու անհրաժեշտության մասին, որոնք ուղղված կլինեն՝ դադարեցնելու Ուկրաինայի արևելքում հակամարտության ներկայիս շիկացումը, հայտնում է rosbalt.ru՝ հղում անելով Ուկրաինայի նախագահի մամլո ծառայությանը:
Ուկրաինայի նախագահը միևնույն ժամանակ կոչ է արել ԱՄՆ փոխնախագահին կյանքի կոչել «ԱՄՆ կողմից հնչեցրած նախկին հայտարարությունները` Ուկրաինայի պաշտպանությունը ամրապնդելու նպատակով՝ երկրին հավելյալ միջոցներ տրամադրելու մասին»:
Բայդենը, իր հերթին, ևս մեկ անգամ ԱՄՆ աջակցությունն է հայտնել Ուկրաինային:
Զրուցակիցները միակարծիք են եղել, որ «անջատողական ուժերի» հարձակումների պատճառով Դոնբասում չի հաջողվում հրադադար պահպանել:
Տեղին է նաև հիշատակել, որ ավելի վաղ Ուկրաինայի պաշտպանության նախարարը ԱՄՆ-ին էր փոխանցել Ուկրաինային անհրաժեշտ զինտեխնիկայի ցանկը: