Ուկրաինայի արևելքում խաղաղապահ զորքերի տեղակայման մասին Ուկրաինայի նախագահ Պյոտր Պորոշենկոյի առաջարկության վերաբերյալ խիստ հակասական կարծիքներ են հնչում Դոնբասում: Այսպես, Դոնեցկի ժողովրդական հանրապետության ներկայացուցիչ Դինիս Պուշիլինը հայտարարել է, որ ԴԺՀ խաղաղապահ զորքերի տեղակայումն իրենք դիտարկում են որպես Մինսկի պայմանավորվածությունների խախտում: Միևնույ ժամանակ ԴԺՀ ՊՆ ներկայացուցիչ Էդուարդ Բասուրինը ասել է, որ իրենք դեմ չեն խաղաղապահ ուժեր տեղակայելու մասին Ուկրաինայի նախագահի առաջարկին, սակայն այն պետք է տեղակայվի ոչ թե ռուս-ուկրաինական սահմանի Դոնբասի հատվածում, այլ Ուկրաինայի և ԴԺՀ-ի սահմանին: Լուգանսկի ժողովրդական հանրապետության առաջնորդ Իգոր Պլոտնիցկին էլ այս կապակցությամբ հայտարարել է, որ խաղաղապահ ուժերի տեղակայումը հնարավոր կլինի, եթե այն լինի ռուսական: Նման կարծիք է հայտնել նաև ԴԺՀ-ի Ազգային ժողովի նախագահ Անդրեյ Պուրգինը` ավելացնելով, որ իր կարծիքով խաղաղապահների տեղակայման մասին խոսակցությունները դեռևս վաղ են: