Թուրքիան Չինաստանի հետ համատեղ պատրաստվում է ստեղծել հակահրթիռային պաշտպանության նոր համակարգ: Այս մասին փոխանցում է РИА Новօсти լրատվականը` հղում անելով Թուրքիայի պաշտպանության նախարարին:
Թուրքիան հակահրթիռային պաշտպանության նոր համակարգի ստեղծման հարցում սերտ համագործակցում է Չինաստանի հետ, որը 2013թ հաղթել էր Թուրքիա միջին և մեծ հեռահարության զենիթային հրթիռային համակարգեր մատակարարելու համար հայտարարված T-LOGAMIDS (Turkish Long Range Air and Missile Defence System) հայտամրցույթում:
Հաղորդվում է, որ Թուրքիան ձեռք կբերի առնվազն 12 կոմպլեկտ զենիթային հրթիռային HQ-9 համակարգեր, որոնք ստեղծվել և արտադրվել են չինական պետական China Aerospace Science and Industry Corporation կազմակերպության «Երկրորդ ակադեմիայի» կողմից: