Կոալիցիոն օդուժը ոչնչացրել է ԻՊ մի շարք առաջնորդների



Սիրիային սահմանակից իրաքյան Էլ Կայիմ շրջանում միջազգային կոալիցիոն օդուժը օդային հարվածներ է հասցրել Իսլամական պետության դիրքերին: Սպանվել են բազմաթիվ գրոհայիններ, այդ թվում` նաև ահաբեկչական կազմակերպության մի շարք առաջնորդներ: Այս մասին հայտնում է AL Arabia-ն:

Փոխանցվում է, որ  այդ շրջանում է գտնվել նաև ԻՊ առաջնորդ «խալիֆ» Աբու Բաքր ալ Բաղդադին: Չի բացառվում, որ նա ևս զոհվել է: Սակայն այս տեղեկությունը դեռևս չի հաստատվել, թեև չի էլ հերքվել:

Հաղորդվում է, որ օդային հարձակման արդյունքում Սիրիայից բազմաթիվ գրոհայիններ անցել են իրաքյան Էլ Կայիմ շրջան:

Ավելի վաղ բազմիցս հաղորդվել է ալ Բաղդադիի մահվան մասին, սակայն զինյալները հերքել են այդ տեղեկությունները:


© armedia.am