Թուրքիայում անբարենպաստ եղանակային պայմանները մեծ վնաս են հասցրել գյուղատնտեսությանը: Սա էլ պատճառ է հանդիսացել մրգի ու բանջարեղենի գների կտրուկ բարձրացման համար: Անբարենպաստ եղանակային պայմանները վնաս են հասցրել ոչ միայն բաց դաշտերին, այլև ջերմոցային տնտեսություններին: Ամենաբարձր գինը գրանցվել է սոյայի համար, որն ունեցել է 166-233 տոկոսի գնաճ:
«Ստամբուլի միրգ – բանջարեղենային բրոքերներ և վաճառողներ» հիմնադրամի նախագահ Բուրհան Էրը ասում է, որ գների աճը կարելի է բացատրել երկու պատճառով: Առաջինն այն է, որ նորմալ շուկայական պայմաններում, երբ առաջարկը գերազանցում է պահանջարկը, գները բնականաբար բարձրանում են: Երկրորդ պատճառն այն է, որ շուկայի ազատությունը չսահմանափակելու համար գների վերահսկման ստուգումներ չեն իրականացվում: