ԱՄՆ արդարադատության նախարարությունը քրեական գործ կհարուցի սենատոր Ռոբերտ Մենենդեսի դեմ: Մենենդեսին մեղադրում են դոնոր` Սալոմոն Մելգենի հետ անօրեն հարաբերություններ ունենալու համար: Համաձայն առկա վարկածի` սենատորը անօրինաբար պաշտպանել է նաև Ֆլորիդայի ակնաբույժի գործարար շահերը` նրանից կաշառք ստանալու դիմաց, հայտնում է USA Today-ը:
Մենենդեսը ուրբաթ օրը տեղի ունեցած մամլո ասուլիսի ժամանակ հերքել է իր դեմ հարուցված մեղադրանքները` նշելով.
«Թույլ տվեք պարզ արտահայտվել: Շատ պարզ: Ես միշտ օրինական վարք եմ դրսևորել` դեմ դուրս չգալով օրենքին: 23 տարվա ընթացքում, երբ ես լիազորություն եմ ունեցել լինել ԱՄՆ կոնգրեսում, իմ և իմ թիմի կողմից նախաձեռնված ցանկացած գործողություն նպատակ է ունեցել առավելագույնս ծառայել Նյու Ջերսիի և ԱՄՆ ամբողջ բնակչության շահերին» - նշել է սենատորը: