Գերմանիայի արևմտյան Վուպերտալ քաղաքում անկարգությունների հետևանքով 8 մարդ է ձերբակալվել:
Ինչպես հայտնում է РИА Новости-ն, քաղաքում միաժամանակ անցկացվել են պահպանողական իսլամի կողմնակիցների և Պեգիդա («Հին աշխարհի իսլամականացման դեմ հանդես եկող եվրոպացիներ») աջակողմյան շարժման աջակիցների երթերը: Հակաիսլամական շարժման երթը ավելի քան 1000 մարդ է հավաքել, իսկ իսլամիստների հավաքը՝ ավելի քան 100:
Պեգիդա շարժմանը միացել են աջակողմյան ազգայնականները և ֆուտբոլի երկրպագուները, ովքեր էլ հրահրել են անկարգությունները: Իրավապահ մարմինները ստիպված են եղել արցունքաբեր գազ կիրառել ցուցարարներին ցրելու համար:
Ընդհանուր առմամբ 21 իրավախախտում է արձանագրվել, տուժածներ չկան: