2010-2014թթ-ին զենքի արտանման ոլորտում Ռուսաստանը զբաղեցրել է երկրորդ հորիզոնականը, առաջատար է հանդիսանում է ԱՄՆ-ն, իսկ Գերմանիան զգալիորեն կրճատել է զենքի արտահանումը: Այս մասին երկուշաբթի հայտարարել է Խաղաղության հիմնախնդիրների ուսումնասիրության Ստոկհոլմյան միջազգային ինստիտուտը (SIPRI)՝ հիմնվելով 2010-2014թթ-ին սովորական սպառազինության և ռազմական սարքավորումների մատակարարումների տվյալների հրապարակման վրա:
Ինստիտուտի տվյալները հավաքագրվել են 1950թ-ից և միջազգային ռազմական տրանսֆերների միտումների գնահատման համար փորձագետներն օգտվում են հնգամյա ժամանակահատվածի ցուցանիշներով:
Ըստ SIPRI-ի տվյալների՝ աշխարհում զենքի մատակարարումներով առաջատարն ԱՄՆ-ն է: Նրան է բաժին ընկնում աշխարհում զենքի արտահանման ողջ ծավալի 31%-ը: Մատակարարումների 1/3-ը (32%-ն) ուղղված է Մերձավոր Արևելք: Բացի այդ, ամերիկյան զենքի խոշոր ներկրողներ են Հարավային Կորեան, ԱՄԷ-ն և Ավստրալիան: Ընդհանուր առմամբ՝ ԱՄՆ-ն զենք է մատակարարել 94 երկիր:
Փաստաթղթի համաձայն՝ ռուսական սպառազինությունը տվյալ ժամանակահատվածում մատակարարվել է 56 երկիր, հիմնականում՝ Հնդկաստան, Չինաստան և Ալժիր: Ռուսասանի մասնաբաժինը զենքի համաշխարհային շուկայում կազմում է 27%: Այն 5%-ով ավել է նախորդ հնգամյակի տվյալների համեմատ: Ներկրողների մոտ մեծ պահանջարկ ունեն ռուսական ռազմական ուղղաթիռները և այլ տիպի ռազմաօդային տեխնիկան:
Զենքի արտահանման ծավալներով աշխարհում երրորդը Չինաստանն է, որի մասնաբաժինը հասել է 5%-ի: Չինական զենքը պահանջարկ ունի 35 երկրում, այդ թվում՝ Պակիստանում, Մյանմայում և Բանգլադեշում:
Չորորդ հորիզոնականում է Գերմանիան, որի արտահանումը 11%-ից նվազել է 5%-ի: Հինգ տարվա ընթացքում ԵՄ-ի զենքի արտահանումը ևս նվազել է 16%-ով: Միաժամանակ նույնքան էլ մեծացել է համաշխարհային զենքի առևտրի ծավալը՝ 2005-2009թթ համեմատությամբ: