Թուրքիայի նախագահ Ռեջեփ Թայիփ Էրդողանն ու ՌԴ նախագահ Վլադիմիր Պուտինը երեքշաբթի հեռախոսազրույց են ունեցել: Ինչպես տեղեկացնում է «Անադոլու» գործակալությունը, հեռախոսազրույցը տևել է 30 րոպե:
Նախագահները քննարկել են Ռուսաստանի և Թուրքիայի երկկողմ հարաբերությունները զարգացնելու անհրաժեշտությունը, Ուկրաինայի ճգնաժամի և Ղրիմի թաթարների խնդրի լուծման ուղիներ գտնելու հարցը: Էրդողանը հիշեցրել է, որ մարտի 20-ին այցելելու է Ուկրաինա: Անդրադարձ է արվել նաև «1915-ի դեպքերին»:
Ռեջեփ Թայիփ Էրդողանն ասել է, որ Թուրքիան կողմ է արդար հիշողության հեռանկարին, սակայն Հայաստանը խաղաղության կոչերն անտեսում է և պատմաբանների հանձնաժողով ստեղծելու առաջարկներին դրական մոտեցում չի ցուցաբերում: