Եվրամիությունում ձևավորվել է հակառուսական պատժամիջոցների դեմ 7 երկրների բլոկ: Այս մասին գրում է Bloomberg գործակալությունը: Այսպես, Ռուսաստանի դեմ պատժամիջոցների պահպանմանը դեմ են Կիպրոսը, Իտալիան, Հունաստանը, Հունգարիան, Սլովակիան, Ավստրիան և Իսպանիան:
Bloomberg-ը բացատրում է, որ այդ եզրակացություններն արվել են Կրեմլ այցելությունների վերլուծությունից: Այսպես՝ փետրվարի վերջին Մոսկվա է ժամանել Կիպրոսի նախագահ Նիկոս Անաստասիադիսը, մարտի սկզբին՝ Իտալիայի վարչապետ Մատեո Ռենցին, իսկ ապրիլին Մոսկվա է պատրաստվում ժամանել Հունաստանի կառավարության ղեկավար Ալեքսիս Ցիպրասը:
Ինչ վերաբերում է Հունգարիային, Սլովակիային, Ավստրիային և Իսպանիային, այս երկրները, գործակալության պնդմամբ, նախկինում էլ հանդես են եկել Ռուսաստանի դեմ կիրառված սահմանափակումների դեմ:
Նշենք, որ ՌԴ-ի դեմ պատժամիջոցները սահմանվել են Ուկրաինայի հարցում դիրքորոշման պատճառով։ Պատժամիջոցների երկարաձգման կամ նոր պատժամիջոցների ընդունման համար անհարաժեշտ է ԵՄ անդամ բոլոր 28 երկրների համաձայնությունը: