Սերբական ոստիկանությունը Սերեբրենիցայում տեղի ունեցած հանցագործությանը մասնակցելու կասկածանքով ձերբակալել է 7 հոգու: Ինչպես տեղեկացնում է սերբական Blic թերթը սա 1995թ. ի վեր իրականացված առաջին ձերբակալությունն է այս գործով:
Սերբիայի ռազմական դատախազության փոխանցմամբ 7 կասկածյալները ձերբակալվել են Սերբիայի տարբեր շրջաններում: Նրանց մեղադրում են Սերեբրենիցայի մերձակայքում հազարավոր մուսուլմանների սպանությանը մասնակցելու մեջ:
Ռազմական դատախազության տարածած հաղորդագության մեջ նաև նշվում է, որ Սերեբրենիցայի դեպքերի առնչությամբ հետաքննություն է սկսվել «Յախորինա» ուսումնական կենտրոնի նախկին անդամների և Սերբիայի ներքին գործերի նախարարության առանձին ջոկատների անդամների նկատմամբ:
Նշենք, որ խոսքը Բոսնիայի պատերազմի ընթացքում տեղի ունեցած երկու իրադարձությունների մասին է, որոնք ստացել են «Կրավիցայի կոտորած» և «Սերեբրենիցայի կոտորած» անունները: Այս իրադարձությունների մեջ միջազգային փորձագետները մեղադրում են սերբ զինվորականներին և մասնավորոպես Ռադկո Մլադիչին, ով ձերբակալվել էր 2011թ. և արտահանձնվել էր Հաագային: Սակայն սերբ վերլուծաբանները նշում են, որ միջազգային հանրությունը չի ցանկանում հետաքննել սերբական Կրավնիցա գյուղում տեղի ունեցած ջարդերը, որտեղ 1992թ. մուսուլմանները սպանել են 50 խաղաղ բնակչի: Նրանք նաև ընդգծում են, որ Բուսնիայում և Հերցեգովինայում, Խորվաթիայում և Կոսովոյում տեղի ունեցած պատերազմների ժամանակ իրականացված ռազմական հանցագործությունների հետաքննության հարցում միջազգային դատարանները ընտրողական մոտեցում են ցուցաբերել:
Նշենք, որ Մլադիչի արտահանձնումը Հաագայի միջազգային դատարանին նպաստեց ԵՄ-ի հետ Սերբիայի անդամակցության շուրջ երկխոսության ակտիվացմանը: