Հայոց ցեղասպանության 100-ամյա տարելիցին նվիրված «1915» ֆիլմի ստեղծագործական խումբը հանդիսատեսի դատին է ներկայացրել ֆիլմի թրեյլերը, ինչպես նաև պաշտոնական պոստերը:
82 րոպե տևողությամբ հոգեբանական այս թրիլերի ռեժիսորը և սցենարի հեղինակը Կարին Հովհաննիսյանը և Ալեք Մուհիբյանն են, իսկ ֆիլմի երաժշտության հեղինակը հայտնի ամերիկացի երաժիշտ Սերժ Թանկյանն է:
Ֆիլմի պրեմիերան տեղի կունենա ապրիլի 17-ին, իսկ հայկական կինոէկրաններին այն կհայտնվի ապրիլ 25-ից:
Արմեդիա ՏՎԳ-ին հետ զրույցում Կարին Հովհաննիսյանը նշել է, որ այս Ֆիլմը պարզապես կինոյի գործ չէ: «Այն նոր լույս է սփռում մարդկության ժամանակակից պատմության առաջին ցեղասպանության վրա»,-ասել է Հովհաննիսյանը: