Ռուսաստանը ՄԱԿ-ի Անվտանգության խորհուրդ է ներկայացրել բանաձևի նախագիծ՝ Ուկրաինայի արևելքում հակամարտության կարգավորմանն ուղղված Մինսկի համաձայնագրերի պահպանման վերաբերյալ: Այս մասին հաղորդում է РИА Новости լրատվական գործակալությունը՝ հղում անելով ՄԱԿ-ում ՌԴ մշտական ներկայացուցիչ Վիտալի Չուրկինին:
«Մենք բանաձևի շատ կարճ նախագիծ ենք դրել շրջանառության մեջ», - նշել է Չուրկինը՝ հավելելով, որ փաստաթուղթը կոչված է հերթական անգամ ցույց տալու Մինսկի համաձայնագրերի կարևորությունը: