Մոսկվայում կյանքի 82-րդ տարում մահացել է գրող-երգիծաբան Արկադի Արկանովը, հաղորդում է РИА Новости-ն:
Արկանովն այս տարվա մարտի 14-ից գտնվում էր հիվանդանոցում, որտեղ և մահացել է երկարատև հիվանդությունից հետո:
Արկանովը ծնվել է 1933թ. հունիսի 7-ին, Կիևում: 1957-ին նա ավարտել է Սեչենովի անվան Մոսկվայի բժշկական ինստիտուտը։ Արկանովը մոտ 15 գրքի հեղինակ է։ Նա վարել է «Ծիծաղի շուրջը» և «Սպիտակ թութակ» հաղորդումները։