Աֆղանստանի նախագահ Աշրաֆ Ղանին արտահայտվել է երկրում ամերիկայն զորքերի ներկայության ժամկետների երկարաձգման օգտին։ Այս մասին նա հայտնել է NPR-ին տված հարցազրույցի ժամանակ։ Ղանին նշել է, որ պատկերացումները այն մասին, որ Աֆղանստանի բնակչությունը դեմ է երկրում ամերիկյան զորքերի ներկայությանը, չեն համապատասխանում իրականությանը։ «Աֆղանստանի քաղաքացիները գտնում են, որ Միացյալ Նահանգները որոշիչ դեր ունեն իրենց ապագայի համար»,-հայտնել է Ղանին։
Աֆղանստանի նախագահը մարտի 23-ին կժամանի ԱՄՆ՝ Բարաք Օբամայի, պետքարտուղար Ջոն Քերիի և պաշտպանության նախարար Էշթոն Քարթերի հետ բանակցությունների համար:
Ղանին ընդգծել է նաև, որ երկիրը պատրաստ է պայքարել «Իսլամական պետություն» ահաբեկչական խմբավորման դեմ՝ չնայած նրան, որ գրոհայինները վերահսկում են հսկայական ռեսուրսներ: