Նախագահ Սերժ Սարգսյանը մարտի 24-ին պետական այցով կմեկնի Չինաստանի Ժողովրդական Հանրապետություն, այս մասին տեղեկացնում է Նախագահի աշխատակազմի հանրային կապերի և տեղեկատվության կենտրոնը:
Այցի ընթացքում Սերժ Սարգսյանը հանդիպում կունենա ՉԺՀ Նախագահ Սի Ծինփինի հետ:
Նախատեսվում են երկու երկրների միջև հայ-չինական բարձր մակարդակի բանակցություններ մի շարք ոլորտներում՝ ուղղված համագործակցության զարգացմանն ու ամրապնդմանն, որից հետո տեղի կունենա փաստաթղթերի ստորագրման արարողություն:
Այցի շրջանակներում նախատեսվում է ՀՀ Նախագահի հանդիպումները ՉԺՀ ժողովրդական ներկայացուցիչների համաչինական ժողովի մշտական կոմիտեի նախագահ Ճանգ Դըծյանի, ՉԺՀ պետական խորհրդի վարչապետ Լի Քեցյանի հետ:
Այցի ընթացքում Նախագահ Սերժ Սարգսյանը հանդես կգա ելույթով Պեկինի համալսարանում:
Չինաստանի Ժողովրդական Հանրապետություն պետական այցի շրջանակներում Սերժ Սարգսյանը մարտի 28-ին կմասնակցի ասիական հեղինակավոր Բոաոյի միջազգային համաժողովին: