ԱՄՆ-ի նախագահ Բարաք Օբաման իր աջակցությունն է հայտնել Եմենի շիա ապստամբների դեմ Սաուդյան Արաբիայի և Պարսից ծոցի երկրների սկսած ռազմական գործողություններին:
Սպիտակ տան տարածած հայտարարության մեջ նաև ասվում է, որ Վաշինգտոնը մտադիր է Սաուդյան Արաբիայի գլխավորած կոալիցիային տրամադրել «լոգիստիկ և հետախուզական աջակցություն»՝ միաժամանակ ընդգծելով, որ ԱՄՆ-ի զինուժը ռազմական գործողություններին անմիջական մասնակցություն չի ունենալու:
Իր հերթին Եմենի ապստամբների առաջնորդներից մեկը հայտարարել է, որ Սաուդյան Արաբիայի և արաբական մյուս երկրների ռազմական գործողություններն Եմենի տարածքում կարող է տարածաշրջանում ավելի լայնածավալ պատերազմի պատճառ դառնալ: