Մարտի 26-ին կառավարության նիստում համաձայնություն է տրվել Հայաստանի և Ռուսաստանի կառավարությունների միջև «ԵՏՄ-ին անդամակցելու գործընթացի շրջանակում Հայաստանի Հանրապետությանը տեխնիկական աջակցություն ցուցաբերելու մասին» համաձայնագրի կնքման առաջարկությանը:
«Փաստաթղթով, մասնավորապես, ռուսական կողմը նախատեսում է ԵՏՄ-ին միանալու համաձայնագրի շրջանակում Հայաստանի պարտավորությունների կատարման նպատակով Հայաստանին անհատույց օժանդակություն տրամադրել 47 միլիոն ԱՄՆ դոլարի (կամ համարժեք ռուբլու) և 130 միլիոն ռուբլու չափով երեք տարվա ընթացքում՝ սկսած 2015 թվականից», - ասվում է կառավարության հաղորդագրության մեջ:
«Ռուսական կողմն այդ գումարներով Հայաստանին ապահովելու է համապատասխան ծառայությունների գործունեության համար անհրաժեշտ սարքավորումներով, տեխնիկայով, ծրագրային միջոցներով: Միաժամանակ ռուսական կողմը կազմակերպելու է ՀՀ ներկայացուցիչների ուսուցումը և որակավորման բարձրացումը»: