Թուրքիայի նախագահ Ռեջեփ Էրդողանն այսօր պաշտոնական այցով կմեկնի Թեհրան։ Էրդողանն այցի ընթացքում բարձր մակարդակով մի շարք հանդիպումներ կունենա։ Reuters-ի փոխանցմամբ՝ ապրիլի 7-ին նախատեսված այցը տեղի կունենա՝ անկախ երկու երկրների միջև վերջերս առաջացած լարվածությունից։
Նշենք, որ մի շարք իրանցի օրենսդիրներ կոչ են արել արգելել Էրդողանի այցը՝ այն բանից հետո երբ Թուրքիայի նախագահը հրապարակավ պաշտպանել էր Սաուդյան Արաբիայի գլխավորած ռազմական գործողությունը Եմենում Իրանի դաշնակից ապստամբների դեմ։
Վերջին տարիներին դիվանագիտական հարաբերություններն Իրանի և Թուրքիայի միջև վատացել են սիրիական ճգնաժամի շուրջ ունեցած տարաձայնությունների պատճառով։