Հունաստանի իշխանությունները հերքել են շրջանառվող այն տեղեկությունները, թե վարկատուների վրա ճնշում գործադրելու նպատակով իշխանությունները մտադիր են դեֆոլտ հայտարարել: Այս մասին հայտնում է Reuters-ը՝ հղում անելով Հունաստանի վարչապետի մամլո ծառայության տարածած հայտարարությանը։
Հայտարարության մեջ մասնավորապես ասվում է․ «Հունաստանը, ինչպես նաև նրա վարկատուները, մտադիր չեն երկիրը դեֆոլտ հայտարարել։ Բանակցությունները շարունակվում են։ Կողմերը հույս ունեն առավել օպտիմալ փոխշահավետ լուծում գտնել»։
Ավելի վաղ Financial Times-ը գրել էր, որ Հունաստանն ապրիլի վերջին պատրաստվում է դեֆոլտ հայտարարել, եթե միջազգային վարկատուների հետ բանակցությունները ձախողվեն։