Եմենի հարցով ՄԱԿ-ի գլխավոր քարտուղարի հատուկ խորհրդական Ջամալ Բենոմարը Եմենում շարունակվող հակամարտության պայմաններում 4 տարվա աշխատանքից հետո հրաժարական է տվել, հայտնել է BBC-ն։
Վերջին շրջանում մարոկկացի դիվանագետի միջնորդական գործունեությունը քննադատության էր ենթարկվում Սաուդյան Արաբիայի և Պարսից ծոցի մյուս միապետությունների կողմից։
Որպես Եմենի հարցերով ՄԱԿ-ի հատուկ ներկայացուցչի պաշտոնում հնարավոր թեկնածու՝ նշվում է արտակարգ արձագանքման հարցերով ՄԱԿ-ի գլխավոր քարտուղարի հատուկ ներկայացուցիչ, մավրիտանցի դիվանագետ Էբոլ Ույդ շեյխ Ահմեդը։