Հունաստանի ճգնաժամը ցույց տվեց, որ Եվրամիությանը միասնական կառավարություն է անհրաժեշտ։ Նման կարծիք է հայտնել Եվրախորհրդարանի նախագահ Մարտին Շուլցը։
Stern թերթին տրված հարցազրույցում նա ասել է, որ ազգային կառավարություններն այլևս չեն կարող վճռել եվրոպական հարցերը, դրանց համար անհրաժեշտ են ընդհանուր ինստիտուտներ։ «Որոշակի պահի մեզ եվրոպական կառավարություն հարկավոր կլինի»,- ասել է Շուլցը։
Նա նշել է, որ եվրոպական առաջնորդներն արհամարհում են ԵՄ- ի շահերը՝ գործելով «ազգայինը լավ է, իսկ եվրոպականը՝ վատ» սկզբունքով։ Եվրախորհրդարանի նախագահը -կարծիք է հայտնել, որ լուրջ ճգնաժամ ապրող ԵՄ-ին հարկավոր է փոխել եվրաինտեգրման քաղաքականության կուրսը։