Ներկայումս ԵՄ-ը չի քննարկում Ուկրաինայում կամ Սիրիայում տիրող իրավիճակի համար Ռուսաստանի նկատմամբ պատժամիջոցներ կիրառելու հնարավորությունները: Այս մասին հաղորդում է ՏԱՍՍ-ը՝ հղում կատարելով եվրոպական դիվանագիտական աղբյուրներին:
«Պատժամիջոցների հարցն օրակարգում չէ: Ուկրաինայում առկա են առաջընթացի նշաններ, իսկ Ռուսաստանի գործողությունները Սիրիայում պահանջում են լրացուցիչ վերլուծություն», - ասել է դիվանագետը:
Աղբյուրը նաև հավելել է, որ ավելի վաղ որոշվել էր, որ տնտեսական ոլորտային պատժամիջոցների երկարաձգումը Ռուսաստանի դեմ կքննարկվի 2016 թվականի հունվարի վերջում, այսինքն՝ այն ժամանակ, երբ ներկայումս առկա սահմանափակումների փաթեթի ժամկետը կլրանա: