ԱՄՆ Հանրապետական կուսակցությունից նախագահի թեկնածու Դոնալդ Թրամփի մուտքը Մեծ Բրիտանիա արգելելու մասին առցանց միջնորդագիրը, որը տեղակայված է բրիտանական կառավարության կայքում, հավաքել է ավելի քան 475 հազար ստորագրություն, ինչը ռեկորդային թիվ է կայքի ողջ պատմության մեջ, հայտնում է NBC-ն։․
Նախկին ռեկորդը սահմանել էր Միացյալ Թագավորություն մեծաթիվ ներգաղթյալների մուտքի թույլատրման ու նրանց աջակցելու մասին միջնորդագիրը՝ հավաքելով ավելի քան 446 հազար ստորագրություն։
Մուսուլմանների մուտքն ԱՄՆ լիովին արգելելու մասին հայտարարության ժամանակ Թրամփը նաև ասել էր, որ Լոնդոնի որոշ շրջանների բնակիչներ այնքան արմատական են, որ նույնիսկ քաղաքի ոստիկանությունն է վախենում իր կյանքի համար։ Մեծ Բրիտանիայի վարչապետ Դեյվիդ Քեմերոնն ու Լոնդոնի քաղաքապետ Բորիս Ջոնսոնը քննադատել էին նրա արտահայտությունները։