Ֆիլիպիններում 4 ծայրահեղական խմբավորումների գրոհայինները միավորվել են և հայտարարել են Մինդանաո կղզում «Իսլամական պետություն» խմբավորման «խալիֆայության» ստեղծման մասին: Այս մասին հայտնում է ավստրալական Australian թերթը, որի տվյալներով գրոհայինները հավատարմության երդում են տվել Սիրիայում և Իրաքում ԻՊ-ի ղեկավար Աբու Բաքր ալ- Բաղդադիին:
Ֆիլիպինյան «խալիֆայությունը» կղեկավարի «Աբու Սայաֆ» ահաբեկչական խմբավորման առաջնորդներից մեկը` Իսնիլոն Խապիլոնը:
Ավստրալացի փորձագետ Գրեգ Բարտոնի կարծիքով` Ֆիլիպիններում իրադարձությունները վկայում են ԻՊ-ի ռազմավարությունում փոփոխությունների մասին: «Հասկանալով, որ Սիրիայում և Իրաքում երկարատև պայքար է սպասվում՝ նրանք զբաղվում են իրենց գործունեության համար այլընտրանքային տարածքների որոնմամբ»,- նշել է փորձագետը: