Մարտի 10-ին Մոսկվայի Կարմիր հրապարակում գտնվող Պատմության թանգարանում ՀՀ նախագահ Ս.Սարգսյանը և ՌԴ նախագահ Վ.Պուտինը կկատարեն «Հայաստան: Գոյության լեգենդ» ցուցահանդեսի հանդիսավոր բացումը, հաղորդում է Թանգարանի պաշտոնակայքը, տեղեկացնում է NovostiNK.ru-ն:
Կցուցադրվեն Հայաստանի երեք առաջատար թանգարաններից (Հայաստանի պատմության թանգարան, Սուրբ Էջմիածնի թանգարաններ, Հին ձեռագրերի ինտիտուտ՝ Մատենադարան) ավելի քան 160 յուրահատուկ նմուշներ, որոնց թվում՝ սեպագիր արձանագրություններ, աստվածների բրոնզե արձանիկներ, խեցեղեն, ուրարտական թագավորների զենքեր, առանձնահատուկ եկեղեցական առարկաներ (օրինակ, 1746թ. խաչ Սուրբ Գևորգի մասունքներով), հնագույն գորգեր և այլն: