Ներկայիս միտումը պահպանվելու դեպքում 21 -րդ դարի կեսին աշխարհում ներգաղթյալների թիվը կհասնի 321 մլն մարդու։ Այս մասին ասվում է ՄԱԿ-ի գլխավոր քարտուղար Պան Գի Մունի զեկույցում, փոխանցում է TACC-ը։
Փաստաթղթում, որը հրապարակվել է ՄԱԿ-ի կայքում, նշվում է, որ 2015 թվականին միջազգային ներգաղթյալների ու փախստականների թիվը հասել է 244 մլն մարդու, ինչը 71 միլիոնով կամ 41 տոկոսով ավելի է, քան 2000 թվականին։ Նրանց մասնաբաժինը միջազգային հանրության շարքում 15 տարում աճել է՝ 2.8 տոկոսից հասնելով 3.3 տոկոսի։
Կանխատեսումների համաձայն՝ աշխարհի բնակչության թիվը կշարունակի աճել և 2050 թվականին կհասնի 9.7 միլիարդի։ Եթե միգրանտների մասնաբաժինը աշխարհի բնակչության շարքում մնա անփոփոխ, ապա 2050 թվականին այն կկազմի 321 մլն մարդ: