Թուրքիայի էկոնոմիկայի նախարար Նիհաթ Զեյբեքչին հայտարարել է, որ Թուրքիան չի ափսոսում անցած տարի խոցված ռուսական ռմբակոծիչի հետ կապված միջադեպի համար, բայց «վշտացած է» այդ առնչությամբ, հայտնում է Hurriyet Daily News-ը:
«Մենք ափսոսանք չենք զգում, բայց վշտացած ենք: Ենթադրում ենք, որ նրանք ևս վշտացած են թուրքական օդային տարածքը մտադրված խախտելու առիթով»,- հայտարարել է նախարարը:
Նա նաև նշել է, որ Մոսկվայի և Անկարայի միջև կոնֆլիկտը բացասական հետևանքներ է ունեցել երկու կողմերի համար էլ, և առավել խելամիտ ելքն այդ իրավիճակում «հարաբերությունները հնարավորինս շուտ կարգավորելն է»:
Հիշեցնենք, որ Թուրքիայի և ՌԴ-ի հարաբերությունները սրվել են թուրք-սիրիական սահմանին ռուսական Սու-24 ինքնաթիռի խոցումից հետո: