ԵՄ երկրների ներկայացուցիչները պայմանավորվել են երկարացնել Ռուսաստանի դեմ պատժամիջոցները մինչև 2017 թվականի հունվարի վերջ։ Այս մասին հայտնում է RIA Novosti-ն։ «Մենք կարող ենք հաստատել, որ ներկայացուցիչների կոմիտեն պայմանավորվել է երկարացնել սահմանափակող միջոցառումները՝ կապված Ուկրաինայի արևելքում իրավիճակի ապակայունացմանն ուղղված Ռուսաստանի գործողությունների հետ, և շարունակել գնահատել Մինսկի համաձայնագրերի իրագործումը»,- РИА Новости-ին հայտնել է եվրոպական դիվանագիտության անանուն ներկայացուցիչը: Այժմ սահմանափակումների երկարացումը պետք է հաստատի ԵՄ նախարարների խորհուրդը, հաստատման հստակ ժամկետներ, սակայն, չեն նշվում։