Թուրքիայի խորհրդարանը վավերացրել է «Թուրքական հոսք» գազատարի վերաբերյալ համաձայնագիրը ռուսական կողմի հետ, հաղորդում է РИА Новости-ն։
Փաստաթղթի վավերացմանը կողմ է քվեարկել 210 պատգամավոր, դեմ՝ 7-ը, իսկ ձեռնպահ է մնացել 6 խորհրդարանական։
Այժմ խորհրդարանը համաձայնագիրը պետք է փոխանցի Թուրքիայի նախագահ Ռեջեփ Թայիփ Էրդողանի ստորագրմանը, որից հետո այն կհրապարակվի Resmi gazete պաշտոնական պարբերականում և ուժի մեջ կմտնի։
Ավելի վաղ թուրքական իշխանությունները հայտնել էին, որ գազատարի շինարարությունը նախատեսվում է սկսել 2017 թվականի սկզբին: Անկարան այս նախագիծը համարում է երկրի էներգետիկ քաղաքականության համար բավականին կարևոր:
Հիշեցնենք, հոկտեմբերի 10-ին Մոսկվան և Անկարան միջկառավարական համաձայնագիր են ստորագրել, որը նախատեսում է գազատարի երկու ճյուղերի կառուցում Սև ծովի հատակում: