ԱՄՆ նախկին պետքարտուղար Մադլեն Օլբրայթը հայտարարել է, որ պատրաստ է իսլամ ընդունել՝ ի պատասխան նախագահ Դոնալդ Թրամփի գործողությունների, ով պատրաստվում է դադարեցնել Սիրիայից փախստականների ընդունումն ու ամերիկյան վիզաների տրամադրումը մուսուլմանական երկրներից ժամանողների համար։
«Ինձ մեծացրել են կաթոլիկ հավատքով, այնուհետև ես անցել եմ բողոքականության, իսկ ավելի ուշ պարզել, որ իմ հարազատները հրեա են եղել։ Այժմ ես պատրաստ եմ դառնալ մուսուլման՝ ի նշան զորակցության», - գրել է Օլբրայթը Twitter-ում։
Օլբրայթը ընդգծել է, որ Ամերիկան պետք է բաց մնա ցանկացած հավատքի և ծագման մարդկանց համար։