ՄԱԿ-ի Անվտանգության խորհուրդը երեքշաբթի՝ հունվարի 31-ին, արտահերթ նիստ կանցկացնի Իրանի կողմից միջին հեռահարության բալիստիկ հրթիռների փորձարկումների առնչությամբ։
Շտապ խորհրդատվությունների մասին դիմումն ուղղել էր ԱՄՆ ներկայացուցիչը, երբ ՄԱԿ-ում Իսրայելի մշտական ներկայացուցիչ Դանի Դանոնը կոչ էր արել Անվտանգության խորհրդին արձագանքել, փոխանցում է Корреспондент-ը:
Ինչպես հայտարարել է Դանոնը, Իրանի կողմից հունվարի 29-ին Սեմնան քաղաքի մոտակայքում հրթիռների արձակումը խախտում է ՄԱԿ-ի բանաձևերը, որոնք արգելում են Թեհրանին իրականացնել հրթիռների արձակում, որոնք կարող են միջուկային պոտենցիալ ունենալ։
Թեհրանում հայտարարել են, որ իրանական հրթիռները երբեք չեն զինվելու միջուկային մարտագլխիկներով։ Բացի այդ, Իրանի պաշտոնատար անձինք պնդում են, որ մտադիր չեն միջուկային զենք զարգացնել։