Վրաստանի նոր սահմանադրությունը կօրինականացնի երկքաղաքացիությունը: Այս մասին ասել է Վրաստանի վարչապետ Իրակլի Կոբախիձեն։
2018 թվականին Վրաստանի նոր սահմանադրության գործածումից հետո երկրի քաղաքացիներն այլ երկրների քաղաքացիություն ստանալու հնարավորություն կունենան։
«Մենք սահմանադրության մեջ համեմատաբար լիբերալ նորմեր ենք մտցրել։ Նոր քաղաքացիություն ստանալը չի նշանակի, որ անձը ավտոմատ կերպով զրկվում է Վրաստանի քաղաքացիությունից։ Դա կարևոր է մեր քաղաքացիների ու մեր սփյուռքի համար», - ասել է Կոբախիձեն Վրաստանի Հանրային հեռարձակողի Առաջին ալիքի եթերում, հայտնում է Սպուտնիկ Արմենիան:
2011 թվականի վերջից այլ երկրի քաղաքացիություն ստանալու դեպքում Վրաստանի քաղաքացիներն ավտոմատ կերպով կորցնում էին իրենց քաղաքացիությունը։