Ուկրաինայի Ժիտոմիր քաղաքում կկայանա ծովանկարիչ Հովհաննես Այվազովսկու 200-ամյակին նվիրված ցուցահանդես, հայտնում է Analiticaua–ն։
Ցուցահանդեսի կազմակերպիչները՝ Ժիտոմիրի «Էրեբունի» հայկական համայնքն ու Ուկրաինայի հայերի միության պաշտմամշակութային կոմիտեն, կներկայացնեն նկարչի քիչ հայտնի կտավները՝ նվիրված Ուկրաինային և Հայաստանին, ինչպես նաև կրոնական բնույթի աշխատանքներ, սրբապատկերներ:
Ներկայացված կլինեն նաև նյութերի պատճենները, որոնցում պատկերված են նկարչի ընտանիքի անդամները, ինչպես նաև նրա կյանքի առանձին էջեր։
Ժիտոմիրի «Էրեբունի» հայկական համայնքի գործադիր տնօրեն Վահե Պետրոսյանը հայտնել է, որ բացումը կկայանա նոյեմբերի 15-ին՝ ժամը 11։00–ին Օլժիչի անվան գրադարանում։ Ցուցահանդեսը կկայանա մինչև նոյեմբերի 30-ը։