Միացյալ Նահանգների արևելյան ափին սաստիկ փոթորիկ և սառցե անձրև է մոտենում։ Այս մասին ինչպես փոխանցում է «ՏԱՍՍ»-ը՝ հաղորդել են CNN-ի օդերևութաբանները։
Տարերային աղետը սպառնում է հոսանքազրկել Նյու-Ջերսի, Նյու Յորք, Կոնեկտիկուտ, Ռոդ Այլենդ, Մասաչուսեթս, Վերմոնտ, Նյու Հեմփշիր և Մեն նահանգներում ավելի քան 40 մլն մարդկանց տները:
ԱՄՆ-ի Ազգային օդերեւութաբանական ծառայությունը նախազգուշացրել է փոթորկի մասին, որը կգործի «մարտի 7-ից մինչեւ մարտի 9-ը ներառյալ»: Կանխատեսվում է, որ երկրի հյուսիս-արևելքում ձյան ծածկույթի հաստությունը կգերազանցի 30 սմ-ը: Ձյունը կուղեկցվի անձրևով և 22.4 մ/վրկ ուժգնությամբ քամով: