Հայաստանի Հանրապետության նախագահ Արմեն Սարգսյանը, ում երդմնակալության արարողությունը տեղի ունեցավ երկուշաբթի, մտադիր է առաջիկայում այցելել Ռուսաստանի Դաշնություն: Այս մասին նա ասել է ռուսական ՏԱՍՍ գործակալությանը տված հարցազրույցում:
«Բնականաբար, շատ հետաքրքրված կլինեմ որպես Հայաստանի նախագահ մոտ ապագայում այցելել Մոսկվա: Ավանդաբար Հայաստանի ղեկավարներն առաջին պաշտոնական այցը կատարում են հենց Մոսկվա: Դեռևս հստակ ժամկետներ չկան», - ասել է նա:
Սարգսյանն ընդգծել է, որ որպես Հայաստանի նախագահ իր խնդիրն է համարում հայ-ռուսական ռազմավարական համագործակցության հետագա խորացումը, երկու ժողովուրդների բարեկամության ամրապնդումը, մարդկային կապերի զարգացումը: