Արցախի արտաքին գործերի նախարարը հանդիպել է Աբխազիայի արտաքին գործերի նախարարին



Ապրիլի 23-ին Արցախի Հանրապետության արտաքին գործերի նախարար Մասիս Մայիլյանը հանդիպել է աշխատանքային այցով Ստեփանակերտ ժամանած Աբխազիայի Հանրապետության արտաքին գործերի նախարար Դաուր Կովեին, հայտնում է Արցախի ԱԳՆ-ն։

Դաուր Կովեն կրկին շնորհավորել է Մասիս Մայիլյանին Արցախի ԱԳՆ ղեկավար նշանակվելու կապակցությամբ՝ մաղթելով  նրան բեղմնավոր աշխատանք։

Հանդիպման ընթացքում կողմերը քննարկել են  2017 թ. Արցախի Հանրապետության և Աբխազիայի Հանրապետության արտաքին քաղաքական գերատեսչությունների միջև ստորագրված «Փոխըմբռնման հուշագրի» շրջանակներում երկկողմ համագործակցության օրակարգին վերաբերող մի շարք հարցեր:


© armedia.am