Աշխարհահռչակ ռոք երաժիշտ, System of a down խմբի մենակատար Սերժ Թանկյանը ՀՀ վարչապետի պաշտոնում Նիկոլ Փաշինյանի ընտրությունը լավ սկիզբ է համարում Հայաստանի համար։ «Արմենպրես»-ի հաղորդմամբ, Թանկյանն ընդգծել է, որ շատ ուրախ է նոր Հայաստանի համար՝ հավելելով, որ իսկական գործը սկսվելու է վարչապետի ընտրությունից հետո։ «Խոչընդոտներ էլ, վստահ եմ, պիտի լինեն, ժամանակ ու համբերություն պիտի լինի, բայց սա շատ լավ սկիզբ է», - նշել է նա: Վերջին երկու շաբաթների ընթացքում Հայաստանի վարկանիշն աշխարհում բարձրացել է, և շատ երկրներ սկսել են հարգանքով վերաբերվել Հայաստանին։
Հարցին, թե արդյոք այսքանից հետո Թանկյանն ունի՞ մտադրություն Հայաստանում ապրելու, երաժիշտը պատասխանել է. «Ես թափառական անձ եմ, դրա համար մի տեղ ապրելու կարիք չունեմ։ Սիրում եմ տարբեր տեղեր ապրել, անպայման Հայաստան էլ պիտի ապրեմ»։