Չնայած այն հանգամանքին, որ ԱՄՆ նախագահ Դոնալդ Թրամփն ու իր կինը՝ Մելանյան չեն հրավիրվել Միացյալ Թագավորության արքայազն Հարրիի և Մեգան Մարքլի հարսանիքին, մտադիր են նրանց նվեր անել, հայտնում է ''People''-ը։
Սպիտակ տան ներկայացուցիչ Լինդսեյ Ուոլթերսը հաստատել է, որ Թրամփները պատրաստվում են նվիրատվություն անել բարեգործական այն յոթ կազմակերպություներից մեկին, որոնք Հարրին ու Մեգանը առաջարկել են հյուրերին։
«Նախագահ Դոնալդ Թրամփն ու առաջին տիկին Մելանյա Թրամփը իրենց ներդրումը կանեն յոթ բարեգործական կազմակերպություններից մեկին, որոնք արքայական զույգը նշել է նվերների փոխարեն»,- հայտնել է Ուոլթերսը։