Գերմանիան պետք է պատրաստ լինի փոխզիջման գնալ Ֆրանսիայի հետ եվրոգոտու բարեփոխման հարցում: Այս մասին հայտարարել է Գերմանիայի կանցլեր Անգելա Մերկելը՝ պատրաստակամություն հայտնելով բանակցություններ վարել Եվրամիության գագաթաժողովից երեք շաբաթ առաջ, որի ժամանակ պետք է քննարկվեն բարեփոխումների ծրագրերը:
«Կարծում եմ, որ մենք միմյանց ընդառաջ կգնանք եվրոգոտու բարեփոխումների հարցում: Սակայն դրանք միակ բարեփոխումները չեն, որ անհրաժեշտ են մեզ»,- ասել է նա՝ հիշեցնելով օտարերկրացիների նկատմամբ, ապաստանի տրամադրման, միգրացիայի, զարգացման եւ անվտանգության քաղաքականության մասին: