Հնդկաստանում շուրջ 200 մլն մարդ Է մասնակցում համազգային գործադուլին, որը հունվարի 8-ին սկսվել Է մի շարք համազգային արհմիությունների ու ձախ շարժումների կոչով: Այդ մասին, ինչպես տեղեկացնում Է «Արմենպրես»-ը, հայտնել Է NDTV հեռուստաալիքը՝ վկայակոչելով ակցիայի կազմակերպիչ արհմիությունների ղեկավարներին:
Բողոքի մասնակիցները կարգախոսներ են առաջադրել արդյունաբերության տարբեր ճյուղերում նվազագույն աշխատավարձի և թոշակների բարձրացման, սոցիալական պայմանների բարելավման, գործազուրկ երիտասարդության համար աշխատատեղեր բացելու և այլ պահանջներով: Գործադուլավորները կենտրոնական կառավարությանը մեղադրում են աշխատավորների շահերը պաշտպանելուց հրաժարվելու մեջ: Ակցիային միացել են նաև գյուղացիական և ֆերմերային մի քանի միավորումներ: Երկրի մի շարք տարածաշրջաններում բողոքի ակցիաների մասնակիցները փակում են երկաթուղային և ավտոմոբիլային ճանապարհները: Արևմտյան Բենգալիայի և Քերալայի նահանգներում ընդհարումներ են եղել ոստիկանության հետ: Ինչպես նշում են հնդկական ԶԼՄ-ները, գործադուլը կարող Է ազդել քաղաքային, միջազգային և երկաթուղային տրանսպորտի, բանկային հատվածի, ապահովագրական ընկերությունների, հեռահաղորդակցությունների աշխատանքի վրա: Մի քանի շրջաններում փակվում են դպրոցները և ուսումնական այլ հաստատություններ: Քաղաքներում փակվել են բազմաթիվ խանութներ, կրպակներ ու գրասենյակներ, հաղորդել Է ՏԱՍՍ-ը: