Հայաստանի Հանրապետության վարչապետ Նիկոլ Փաշինյանը գերմանական հանրային հեռարձակող «Deutsche Welle»-ին տված հարցազրույցում խոսել է ՌԴ նախագահ Վլադիմիր Պուտինի` հեղափոխության նկատմամբ ցուցաբերած «հանդուրժող» վերաբերմունքի մասին:
Լրագրողի հարցին, թե ինչու ՌԴ նախագահ Վլադիմիր Պուտինը, որը հեղափոխություններ չի սիրում, Փաշինյանի առաջնորդած հեղափոխությանը միանգամայն «հանդուրժող» վերաբերմունք դրսևորեց, Փաշինյանը պատասխանել է. «Պատճառն այն էր, որ մեր հեղափոխությունում որևէ օտարերկրյա ուժի միջամտություն չկար: Դա զուտ ներհայաստանյան քաղաքական գործընթաց էր: Եվ կարող եմ ասել, որ ոչ մի արտաքին ուժ մեր ներքին գործընթացներին ներգրավվելու հնարավորություն չուներ»,-ասել է Փաշինյանը՝ ընդգծելով, որ այդ օրերին, ինչպես և հիմա, հայ ժողովուրդը միասնական է եղել: