Գերմանիայում անցկացվող Grenke Сhess Сlassic մրցաշարի չորրորդ տուրում շախմատի Հայաստանի հավաքականի առաջատար Լևոն Արոնյանը սպիտակ խաղաքարերով հաղթեց ռուս Պյոտր Սվիդլերին: Ռուս գրոսմայստերն իր պարտությունն ընդունեց 38-րդ քայլում:
Տուրի մյուս պարտիաներում Մաքսիմ Վաշյե-Լագրավն (Ֆրանսիա) առավելության հասավ Գեորգ Մեյերի (Գերմանիա) նկատմամբ, Արկադի Նայդիչը (Ադրբեջան) հաղթեց Վինսենտ Կեյմերին (Գերմանիա), Վիշվանաթան Անանդն (Հնդկաստան) ուժեղ գտնվեց Ֆրանսիսկո Վալյեխոյից (Իսպանիա), իսկ Ֆաբիանո Կարուանա (ԱՄՆ) - Մագնուս Կարլսեն (Նորվեգիա) պարտիայում հաղթող չեղավ:
Նախորդ 3 տուրերում Լևոն Արոնյանը խաղաղ դաշն էր կնքել Արկադի Նայդիչի (Ադրբեջան), գերմանացի Գեորգ Մեյերի և իսպանացի Ֆրանսիսկո Վալյեխոյի հետ: Ապրիլի 24-ին անցկացվելիք 5-րդ տուրում հայ գրոսմայստերը սև ֆիգուրներով կմրցի ֆրանսիացի Մաքսիմ Վաշյե-Լագրավի հետ:
Հիշեցնենք, որ Լևոն Արոնյանը Grenke Сhess Сlassic-ի հաղթողի կոչումը նվաճել է 2017 թվականին:
Այս մասին հայտնում է ՀԱՕԿ լրատվական բաժինը: